Bikarkeppni FRÍ 15 ára og yngri

Daníel Már sigraði kúluvarpið

Daníel Már Ólafsson átti frábæran dag og sigraði kúluvarpið með 13,03 metra kasti, sem jafnframt var persónuleg bæting hjá honum. Hann keppti einnig í 100 metra grindahlaupi þar sem hann varð í 6. sæti á 19,91 sekúndu og bætti þar einnig sinn besta árangur. Daníel tók auk þess þátt í 1000 metra boðhlaupi liðsins.

Frosti Þór Ásgeirsson náði 2. sæti í hástökki eftir að hafa stokkið 1,60 metra. Frosti var einnig hluti af 1000 metra boðhlaupssveitinni sem hafnaði í 4. sæti.

Alexander Nói Ásgeirsson keppti í 80 metra hlaupi og 1500 metra hlaupi. Hann varð í 5. sæti í 1500 metrunum á tímanum 5:39,61 og bætti þar sinn persónulega árangur. Í 80 metra hlaupinu varð hann í 7. sæti á 12,89 sekúndum.

Öflugt samstarf

Það er sérstaklega ánægjulegt að geta tekið þátt í liðakeppni sem þessari í samstarfi við annað félag. Fyrir félag úr fámennara samfélagi skapar samstarfið fleiri tækifæri fyrir okkar keppendur til að taka þátt í stærri mótum og vera hluti af öflugu keppnisliði.

2. sæti í Bikarkeppni FRÍ er frábær árangur og við hjá HHF erum afar stolt af Frosta Þór, Daníel Má og Alexander Nóa og þeirra framlagi til liðsins.

Til hamingju strákar – vel gert! 🥈